Tusen takk, mamma!

Då har vi sendt mamma avgårde til flyplassen etter ei heilt super veke. Dette var naturleg nok ganske trist og eg kjenner at eg gleder meg ekstra mykje til å kome heim til sumaren og få møte både familie og venar igjen. Men i mellomtida har vi så klart store planer om å kose oss her i Australia.

 På torsdag tok vi turen til Australia Zoo, også kjent som Steve Irwing zoo. 

Vi starta med å mate elefantane. Kun eg ville prøve meg og fekk gi den eine av elefantane ein liten bananbit. Verken mamma eller Egil var rask nok på avtrekkeren, så dette har vi ikkje bilete av, men vi fekk bilete av den fine elefanten.

Ein fin elefant som eg fekk mate. Det heile endte med ei veldig fuktig hand, men han var veldig snill og tok hendligvis kun det han skulle ha (bananbiten).

Turen gjekk vidare til "Afrika". Denne avdelinga er veldig ny, men dei hadde både nasehorn, sjiraff og sebra.

Etter ein liten rusletur var vi i Afrika.

Etter nesten to timar på tog og litt rusling i parken var det godt med ein kaffe ute i sola, medan vi kunne studere nasehornet og sjiraffane.

Neste stopp var crocoseum, og eit lite show, der dei viste fram både fuglar, slangar og ei av dei mange krokodillene dei har.

 

 

Etter showet kunne vi rusle vidare, og første stopp var hos kenguruane. Her kjøpte vi litt kengurumat som vi kunne mate dei med.

På veg til raudpandaen møtte vi to dyrepassarar som var ute å gjekk tur med ein tasmansk djevel. 

 Raudpandaen er stort sett inaktiv heile dagen, då dei får lite energi frå bambusen dei et, men vi fekk eit par gode bileter då dei var ute og rusla.

Det neste på planen var å sjå tigershow. Dette var eit interessant og lærerikt show der dei fortalte litt om tigeren og viste oss litt triks dei bruker for å holde dei i form.

Dei hadde mange fine tigerar. Denne henta dei ut heilt til slutt for å vise oss korleis dei sjekkar og merker territoriet når dei ikkje har vore der på heile dagen. Denne dama gjekk rundt og snuste og kika. Her er ho på god vei mot oss.

 Eg var glad for at der var glass mellom meg og denne katten. Rett etter dette bilete blei tatt snudde ho rumpa til, og prøvde rett og slett og merke meg også. Det var berre så skvetten stod opp etter glasruta.

No var det endeleg på tide å besøke koalaen.

Etter å ha besøkt koalaen måtte vi begynne og småspringe litt gjennom resten av dyreparken for å rekke siste bussen. Her er litt av det vi fekk sjå.

 Også wombaten blei lufta.

 Det viste seg at mamma var svært god til å lokke til seg mange av dyra, slik vi fekk gode bileter. Dette av ein dingo.

På veg ut av parken gjekk vi forbi ein dam. Her stoppa vi for å sjå om vi kunne finne noko dyr. Etter kort tid dukka der opp fleire små skilpadder. Vi antok at desse var selskapssjuke, sidan vi omtrent var dei einaste igjen i heile parken.

Vi hadde ein veldig fin dag i dyreparken med strålande sol utan at temperaturen var for høg. I går hadde vi planar om å ta oss ein tur til stranda, men då det var grått når vi stod opp slo vi heller på tråden til min yngste bror, som for tida er i USA. Etter ein kjekk samtale med han (som eg trur varte i godt over ein time) gjekk vi på ein utrulig koslig cafè opp i gata her (The Hideaway). Der tok vi kvar sin kaffe før turen gjekk vidare til skulen. Pga noko obligatorisk aktivitet måtte eg stikke innom og då blei Egil og mamma like så gjerne med. Eg ga dei dataen min med internett og då gjekk nok den timen eg var vekke relativt fort. Sidan vi skulle innom skulen stakk vi så klart også innom treningssenteret. Eg blei ferdig litt før planlagt så då rakk vi ein liten halvtime på ergometersykkel før vi gjekk på bodypump. Eg er ikkje vand med å trene styrke på denne måten då eg går mest i styrkerommet. Dette gjer at det er litt vanskeleg å vete kor mykje vekter ein skal legge på, men eg fann passeleg vekter etterkvart. Mamma var nokså tøff og ho også hadde meir vekter enn fleire andre på timen.

Etter ei god treningsøkt var det på tide med middag. Endeleg hadde vi bestemt oss for å ta turen tilbake til den gode biffmiddagen (som vi skreiv om her: x = 3. Leilighetsjakt del 3 av 3.). Vi har lengta tilbake til denne og har gledd oss lenge, og den innfridde. Biffen var utrulig god på smak og veldig mør.

Sidan det hadde begynt å regne då vi var ferdig med middagen, tok vi toget tilbake og koste oss med ein film før vi tok kveld. I dag stod vi opp rundt 0900 og regnet hadde på ingen måte gitt seg. Det passa difor bra at vi hadde satt av dagen til shopping. Vi tok tog og buss til ein factory outlet som ligg litt utanfor byen. Her har dei 120 butikkar med forskjellige typer sko, klede, bøker og diverse anna frå fjorårets sesong, som skal seljast ut for å få plass til nytt. Vi klarte fint å bruke det meste av dagen her.

 Både mamma og eg har reagert på kor mange jenter som går i uvanlig høge hælar. Då ho såg desse klarte ho ikkje å dy seg, desse måtte prøvast. Legg mekre til kor langt ned det er frå den foten uten høghælt sko!

 Her er resultatet etter nokre timar med shopping. Både kle, sko og eit par andre småting blei med heim.

Etter shoppingturen var vi innom leiligheta og slapp alle posane før vi gjekk ut til middag. Vi hadde bestemt oss for å avslutte med stil og eg visste akkurat kva restaurant eg ville på. Vi har sett ein fiskerestaurant nede med elva som vi gjerne ville prøve. Her var kelnerane veldig hyggelig og stemninga var utrulig god. Vi bestilte like gjerne ein set menu med to forrettar, ein hovudrett og dessert.

 Gresk salat og kvitlauksbrød til forrett.

 Reker til forrett nr. 2.

 Barramundi (abbor) til hovudrett.

 Pavlova til dessert. Dette er ein tradisjonell australsk desserrt med marrengs (som ikkje er som marrengs heime, men mykje mjukare) saman med frisk frukt. Der var også ei kule med jordbærsorbet som nokså sikkert var laga av ekte jordbær.

Ein godt nøgd gjeng.

Etter middagen trudde vi at vi skulle ha god tid, men det er rart korleis tida flyg avgårde når ein bestiller fireretters middag. Dette endte i eit lite kaos og ei stressande pakkeøkt før vi sendte mamma avgårde til flyplassen i taxi. Avskjeden hadde eg som vanlig grua meg litt til, men trudde at det skulle gå heilt bra. Mamma hadde i tillegg gitt meg beskjed om at det ikkje skulle vere for mykje grining, for då ville ikkje ho besøke oss ved ei seinare anledning (ikkje at vi har noko planar om å få besøk igjen her, men kven veit kor vi havnar seinare ein gong?). Det å skulle ta farvel med ei så kjekk mamma etter ei så koslig veke viste seg og ikkje vere heilt enkelt. Det kom nokre tårer, men heldigvis hadde eg min kjære til å holde meg når mammaen hadde reist. Vi har hatt ei heilt utrulig kjekk veke, der vi har fått gjort mykje. Det har blitt mykje vandring og trakking rundt i byen, og for å rekke over det meste har det blitt litt for lite søvn. Dette gjorde nok at det var ei litt sliten, men nøgd, mamma vi sendte avgårde. Tusen takk for at du kom på besøk, mamma! Vi er glad i deg.

No har eg litt skule å ta igjen og ein god del oppgåver som skal inn i løpet av den neste månaden. Dette vil mest sannsynilg medføre litt mindre aktivitet på bloggen, men neste helg tar eg meg faktisk fri igjen sidan vi skal til Melbourne! Denne turen skal eg så klart skrive om etter vi har komt tilbake til Brisbane.

Snakkast!

To flotte dagar!

I går var ein litt overskya dag så då valgte vi å stikke ein tur innom treningssenteret. Der fekk eg og mamma gått på "ABT Pilates", medan Egil tok turen innom styrkerommet. Vi koste oss på stappfull time som brukte pilatesøvelser med fokus på mage, rumpe og lår. Dette var ein god time der vi fekk kjenne syra. Deilig!

Etter trening rakk vi ein kjapp lunsj før vi endelig skulle til frisøren. Mine tørre og splitta hårtuppa har nok hatt ein litt tøff overgang frå kald norsk vinter til sol og varme kvar dag. Sidan skulen har tatt opp mykje av tida mi har eg ikkje fått klipt det før no.

 Adam & Eva har opna to salonga i Australia og den eine ligg kun to kvartal frå leiligheta, så då var valget enkelt når eg skulle velge frisør til meg og mamma. Dyktige frisørar og massagestolar ved vasket gjorde valget endå litt enklare! Ho som klipte meg var utrulig nøyaktig og veldig flink. Endringa er nesten ikkje synlig, men mamma klipte av seg ein god del hår. 

Godt nøgd gjekk turen vidare til Thai restaurant og middag. Dagen avslutta vi på Annie musikal, og det var ei god avslutning! Skodespelarane var veldig dyktig og sang så vi alle fekk gåsehud. Fantastisk.

 Eg og mamma gleda oss til musikal.

 Vi måtte ut og nyte den deilige temperaturen med noko lite i glasset.

 Kos.

 

Klar for musikal! Ei uturlig scene med band under.

På ein slik dag gjorde det ingenting at det var litt overskya. Skyene var fortsatt ikkje vekk når vi stod opp i dag og vi har hatt ein litt kjølig dag. Vi starta dagen med å rusle inn til byen for å sjå parada. I dag er det nemleg ANZAC day i Australia. Dette er ein fridag der dei hedrar dei som var med i første og andre verdskrig og kjempa for Australia. Parada gjekk frå kl 1000-1200 og mange deltok. Både dei som var med under krigen, etterkomarar og dei som er med i dagens militære. Under mesteparten av parada klappa folka som stod rundt i gatene for å vise sin takknemlighet.

 Det var naturleg nok mest mannfolk som gjekk i parada, men også nokre kvinnelege foreninger viste seg.

 Her er ein liten del av dagens hær. Det var umoleg å fange alle i eit bilete. Seinare kom ei nesten like lang rekke med dei som høyrer til luftforsvaret og etter det også sjøforsvaret.

 Mange av dei eldre kom i militærkjøretøy medan publikum klappa ivrig. Bilen på bilete her har rattet på "vår" side, men der var også nokre få som hadde det på "australsk" side.

Etter ein god kaffe på Starbucks tok vi turen til stranda, der vi fekk slappa av litt, før vi gjekk til parken og grilla god lunsj.

 Grilling på gang.

 På veg heim frå lunsj gjekk sola ned og lysa i byen kom på.

Til kvelden gjekk vi på kinesisk restaurant før det var film og litt is til dessert heime i leiligheta.

 Pork spare-ribs, beef with vegtables, sizzling chicken og medbrakt ingefærvin. NAM!

I morga håper vi på litt meir sol og tar mest sannsynlig turen til Australia Zoo. Snakkast!

Besøk frå Noreg!

Endelig var det laurdag og mamma kom på besøk. I løpet av helga hadde eg ein heimeeksamen som eg jobba med stort sett heile fredagskvelden og laurdag, og då var det ein flott premie å få hente mamma på flyplassen laurdagskveld.

I tilfelle ho ikkje skulle kjenne meg igjen etter alle desse vekene, laga eg eit skilt. Men det var nok det norske flagget eg hadde med som gjorde at ho fann meg.

Etter 30 timar på reisefot blei ho likevel med ut for å sjekke ut vår del av byen. Etter litt vandring fann vi ein koslig restaurant og åt sein, men god middag.

 I går lot vi ho søve ei stund ut på dagen før vi vekte ho med frukost. 

Etter ein lang frukost tok vi turen ut på Chinatown-markedet der eg endeleg fekk kjøpt meg nye solbriller. Ho som kom frå Noreg og 5 grader hadde gløymt solbriller fekk også kjøpt seg eit par. Der er veldig mykje fint og eg mista tellinga på kor mange kjolar eg hadde lyst å kjøpe.
Turen gjekk vidare langs elva og inn mot byen. På halvvegen stoppa vi og kjøpte kvar sin kaffe på Riverside.

I dag blei mamma med meg på forelesning og fekk seg ein kaffe medan eg fullførte eksamen min. Denne er no levert og eg kan stort sett ta meg fri resten av veka. Etter forelesning tok vi båten inn til byen og møtte Egil til lunsj, før vi koste oss i byen med å stikke hovudet innom nokre av dei mange butikkane.

  Til middag valde vi å ete heime og laga heimelaga mosakka, med salat og heimelaga tzatziki som tilbehør. NAM!

Det var ekstra koslig når vi fekk sjå australsk "The Voice".

Snakkast!

Australia er fantastisk!

Då var vi tilbake i Brisbane. 10 dagar på tur gjekk litt for fort, men vi er godt nøgd med turen og er endå meir glad i Australia no. Det er eit utrulig flott land som, etter vår meining, har mykje å by på og gjer ein campingtur veldig spennande. Vi kunne heilt sikkert brukt dobbelt så lang tid, og meir enn det, på same ruta utan å kjede oss.

På torsdag tok vi turen til Magnetic Island som ligg utanfor Townsville. Dette blir kalla the island of the beautiful bays. Vi kjøpte ein dagsbillett på bussen og fekk besøkt nokre av buktene. P.g.a. litt dårlig skoval fekk vi diverre ikkje gått nokre av dei mange stiane som er mellom buktene. I staden for fekk vi bada litt, sidan der er to bukter med netting som beskyttelse mot dei farlege manetane kunne vi bade utan heildekkande drakt. Etter litt sol satte vi oss på ein koslig kafé med kvar sin iskaffé.

  Horsehoe Bay er den største bukta på øya og her fekk vi bade.

Eit lite område som var beskytta mot manetar.

Det var deilig å unne seg ein god iskaffé på ein varm dag.

Etter fergeturen tilbake gjekk turen vidare nordover til Cairns.

 Vi stoppa på vegen og smurte rekelunsj.

 Vi måtte ta bilete når teljaren runda 100 mil gong nummer 2.

Då vi ankom Cairns møtte vi regnet, så dagen etter kjørte vi vidare nord i håp om å finne igjen sola. Etter litt over ein times kjøretur stoppa vi på ein vingård og fekk smake på litt forskjellige fruktvinar. Eit litt eldre par dreiv denne vingården og produserte vinar frå frukt som dei sjølv dyrka. Dei brukte alt frå mango og ananas til ingefær. Eg var ansvarleg sjåfør og spytta ut igjen vinen medan Egil drakk. Vi endte opp med å kjøpe ein vin med lichi og ein med ingefær.

Der var mange ulike vinar å velje mellom. Oss fekk også litt historie om vingården og dama fortalte om dei forskjellige vinane dei har prøvd å lage som ikkje har blitt like populær som vinane dei tilbyr i dag.

Koslig uteområde der vi fekk prøvesmake dei forskjellige vinane.

Etter vinsmakinga kjørte vi vidare nord for å finne regnskogen som er på verdensarv lista. For å kome dit måtte vi ta "ferge", så kunne vi kjøre der og gå turar i skogen.

 

 

 

Ferga (eller kanskje eg skulle kalle det flåta) blei trekt over med ein vaier.

 Turen var over på 3 minutt.

 Sidan dei ikkje hadde svele leita vi fram favorittpotetgullen vår. (Greit å ta med seg "huset" når ein er på tur, så har ein mat og drikke klar.)

Førarhuset.

 Tett regnskog.

 Litt skittent skilt, men informativt.

 Grashoppe på bilen.

Dette var siste heile dagen på tur og dagen etter blei brukt til pakking og rydding av bil før levering.

 Ved levering tok vi eit siste bilete av km-teljaren. Totalt kjørte vi altså 253 mil.

 Medan vi venta på taxi til flyplassen tok vi eit bilete av med og Lucy (som er maskoten til Jucy campas).

Vi har hatt ein utrulig fin tur og har kost oss mykje. Vi fekk ikkje snorkla p.g.a. vêret, men håper å få tatt igjen det seinare (mest sannynlig ein anna plass enn i the Great Barrier Reef).

Etter ti dagar med lite/ingen trening fekk vi tatt oss ein joggetur i dag. Det passa bra med vêret sidan vi har hatt ein litt overskya dag. Sidan det var tidlig trening tok vi tidlig middag og koste oss med TV2 Sumo på datan.

Kyllingspyd, salat og stekte poteter. NAM.

Det har vore deilig med ein dag i Brisbane før skulen byrjar i morga. Eg tar eit tredje klasse biologifag som tydeligvis har third year teaching free neste veke, så då kunne ein håpa på ein rolig start, men dei andre faga gjer at det blir litt arbeid alikevel. Men etter to innleveringar og ein eksamen kjem mamma på besøk på laurdag og då blir det på nytt litt skulefri.

Som avsluttning i dag legg eg ut litt bileter frå vegen (vi tok litt for få, men har er iallefall nokre).

 Krapp sving, slakk ned til 80 km/t.

Der var dessverre relativt mange påkjørte kenguruar langs vegen.

Watch out for struts (!?)

 Solnedgang.

Dei sparer ikkje på refleks i vegen.

 Vi kunne kjøre lenge mellom kvar gong vi såg eit hus.

 Mange gøyale skilt langs vegen.

 Ølreklame.

 Vi måtte stoppe for toget.

 Deilig når sola trengte gjennom skydekket.

 Det var ikkje alltid veien hadde betre standard enn i Noreg.

 Der var maaange skilt som fokuserte på fart og viktigheten med kvile.

No er det kveld og the Voice har endeleg begynt i Australia. Snakkast!