On the road again

Hei folkens! Ei lita oppdatering frå vegen. I dag har det vore ein grå dag med mykje regn (så vi var glad for at vi droppa fjellturen). Etter å ha brukt litt tid i byen (Dunedin) kjørte vi til verdas brattaste gate (i følge Gunnies rekordbok). Denne var heilt sjukt bratt og det var vanskelig å få det fram på bilete, men vi har gjort eit par forsøk.

 Vi fann ut at dette var den beste måten å få fram kor bratt bakken var. På desse bileta står vi heilt vanlig. Ikkje noko tull!

Vi gjekk så klart heilt opp (det var ikkje så altfor langt).

Etter å ha tatt ein kjøretur ut til Otago Peninsula, som er ei øy utanfor Dunedin, satte vi nasen innover i landet, og sørover. Etter ein tre-fire timers tur i alt slags vêr var vi framme i Invercargill. Her har vi tatt inn på eit motel som er drevet av eit koslig par. Det var kun toroms leiligheter igjen, men vi fekk det til prisen av eit. Dei var rask å sette på varme til oss, så no har vi det godt og varmt.

 Før vi forlot Dunedin tok vi bilete av det mest fotograferte bygget i New Zealand (i følge Lonely Planet), jernbarnestasjonen.

 

Bilete tatt frå Otago Peninsula.

 Også Otago Peninsula. Her kan ein sjå haglebya vi møtte på.

Sjølv om dette ikkje er ein middagsblogg (eg begynn å bli litt redd for at det kanskje endar opp meir som det enn ein reiseblogg) må eg fortelje om middagen i dag også. Endelig blei det sjømat! Vi fekk anbefalt ein av moteleigarane og sidan dei kjente eigarane av restauranten (H.M.S King) fekk vi kvar sitt vinglas gratis (som Sunnmøring: Hurra!!). Vi hadde eigentlig planlagt ein tur sørover til Bluff også i dag, men det fekk vi ikkje tid til. Det byen er kjent for er østeresen dei serverer. Dei hadde fersk østeres frå Bluff på restauranten vi var på i dag, så dette bestilte vi til forrett. Vi fekk tre kvar tilberedt på ulike måtar, og alle var god! Men for min del var det nok med tre.

Østers til forrett.

Til middag kjøpte begge torsk, og den var veldig god. Restauranten var veldig fint dekorert og vi koste oss med middagen i dag også!

I morga skal vi faktisk ut å flyge igjen, men denne gongen kun ein liten tur på ca. 20 minutt. Vi skal nemlig flyge ned til øya Stewart Island og bo der ei natt. Her er det mange gåturar tilgjengelig så vi håper at det endelig blir litt vandring i skog og mark. Sidan vi må tidlig opp for å rekke flyet blir det tidlig i seng. Håper alle der heime har det bra. Snakkast!

Snø i juni

Då har vi ankomt sørøya og funne snøen. Det var litt rart å gå av flyet og møte et snødekt landskap i juni, men det viser vel berre at vi er nordmenn! Etter å ha funne leigebilen og fått kurs i å feste kjetting på dekka starta kjøreturen. Vi valde å ikkje bruke peng på GPS så no er eg offisielt kartleser og det har gått bra så langt. Langskapet er flott og til tider minner det om Noreg, men ofte er det også veldig ulikt. Vi har prøvd å tatt nokre bileter undervegs men det er veldig vanskelig å fange dei fantastiske områda. Etter tre-fire timers kjøretur i mellom fjell og dalar og langs store vingårdsområder i alt slags vêr, kom vi fram til Dunedin der det var tid for sjokoladetur i Cadbury World sin fabrikk. Det som overraska oss var at det var mykje som blei pakka for hand av flittige arbeidarar. Dei hadde allereie starta produksjonen av påskeegg til neste år sidan påskeveka er den veka der kiwiane et mest sjokolade. Vi fekk ein god del sjokolade undervegs som vi fekk ta med heim. Vi fekk også smake på sjokolade som kom rett ut av oppbevaringstankane deira der den held ein temperatur på 45 grader. Å det var så klart kjempe godt!

 Dette bilete representerer godt det landskapet vi har sett i dag; snø- og ikkjesnø-dekte landskap om kvarandre. Vi har ofte sett snø i bakgrunnen og fjell utan snø forran.

Godt nøgd med dagens fangst.

Vi hadde tenkt oss ut ein plass å bo, men der var det fullt. Vi kjørte til eit B&B som eg fann i ei av dei sjukt mange brosjyrene eg har fanga opp på turen i dag. Her har vi det veldig koslig med eit stort og fint rom med stort bad. Vi har også tilgang til eit lite kjøkken som vi deler med eit anna rom (som forøvrig står tomt). Fellesrommet har ein koslig peis der står mange filmar, og kva er vel ikkje meir perfekt enn å sette på Ringenes Herre? Vi tok med film nr. 1 tilbake til rommet for å sjå den før det blir natt. Alle filmane er faktisk i VHS-form! Det er lenge sidan. Når vi skulle starte den tok det litt tid før vi skjønte at vi måtte spole den tilbake for å få den til i virke. Haha. Koslig.

Nøgd med rommet.

Koslig fellesrom.

Til middag i dag fekk vi anbefalt ein italiensk restaurant der vi bestilte ein mixed plate med pastarettar (som var perfekt al dente) og ein nydelig cabernet merlot. Dette var ein koslig restaurant med fyr i peisen og fin italiensk musikk.

Vi hadde eigentlig planlagt ein fjelltur i morga, men her er utrulig kald vind og det er meldt ein god del nedbør så vi har bestemt oss for å få søve litt lenger enn tidligare dagar for å få tatt igjen litt før vi skal sjekke ut eit par ting her i Dunedin (og kanskje få kjøpt oss ullstilongs!). Før det blir kveld har vi planlagt å starte kjøreturen sørover mot Stewart Island som vi forhåpentligvis skal besøke på fredag.

Snakkast!

Vulkanvandring, Auckland - dag 2

Dagen starta med ein god frukost. Det var buffetfrukost med mykje å velje mellom. Vi starta med litt müsli før vi gjekk over på varmmaten (eggerøre, bacon, bønner, champignon, tomat) og avslutta med frisk frukt, pannekake og litt krem og yogurt. Deilig!

0915 tok vi katamaran ut til Rangitoto, ei øy som ligg litt utanfor Auckland sin kyst. Dette er ei vulkanøy og vi fekk gå opp til, og rundt krateret, som var heilt gjengrodd.

 Bilete av øya tatt frå Devonport.

Det var stilig å sjå korleis tre og planter kunne vekse rett opp frå lavastein. Til tider var det nokså tett skog.

 Det var litt disig når vi nådde toppen, men slik såg byen ut (veldig zooma inn). I framgrunnen ser du Devonport, som vi tok turen til etter Rangitoto.

 Før vi gjekk tilbake til båten tok vi ein snartur innom grottene. Der er mange slike (eller ei lang ei) som har blitt laga av rennande lava.

1245 gjekk det katamaran til Devonport som litt rett utanfor Auckland og som det er mogleg å kome seg til med bil. Her kunne vi gå opp til Mt. Victoria Summit for å få utsikt over byen. Mange koslige caféar gjorde at vi valde å ta lunsjen her. Det blei gresskarsuppe og kvitlauksbrød på begge medan vi brukte våre 30 min på internett som alle har tilgang til i Auckland.

 Ei veldig grøn øy som vi kjørte forbi med båten. Naboøya til Rangitoto var like grøn som denne. Desse øyene ligg veldig tett og er samankobla med bru og kontrasten mellom dei var stor.

 Devonport "city" nede ved sjøen og Mt. Victoria Summit.

Bilete av byen tatt frå Mt. Victoria Summit.

Det blei litt bedre vêr etter lunsj og her er eit bilete tatt frå havna.

Som dykk ser på bileta har det vore ustabilt vêr i dag med litt overskya og regn til tider. Men vi har hatt ein super dag og kost oss på tur.

Tilbake på hotellet skifta vi til treningskle og tok turen til trimrommet der vi tok oss ei styrkeøkt på overkropp (beina fekk kjørt seg når vi vandra tidligare). Vi fekk også svømt nokre meter i bassenget før vi avslutta med dusj og badstu.

Vi visste ikkje heilt kva vi hadde lyst på til middag men etter å ha gått oss på på ein vietnamesisk restaurant i ei sidegate syns vi at det var eit godt val. Og vi angra ikkje! Veldig god mat og rask servering. Her syns vi nesten det var litt for billig sidan vi betalte kun 175 NOK for to forrettar og to hovudrettar.

 Grønn te medan vi leste i menuen.

 Eg bestilte grilla svin (i ein veldig god marinade) med Vermicelli nudlar og var godt nøgd.

Egil åt kylling som var heilt utrulig god!

 På veg tilbake til hotellet fekk vi tatt bilete av tårnet med lys.

No er det på tide og køye sidan flyet til Queenstown gjeng (veldig veldig veldig) tidlig i morga. Planen er å hente bilen før vi finn eit informasjonssenter som kan fortelle oss om der er noko fjell å gå i i nærleiken. Vêrmeldingane er litt dårlig og der er visst uvanlig mykje snø akkurat i Queenstown. Vi vil kjøre litt ut av byen og forhåpentligvis få oss ein fjelltur eller to. Etter at eg oppdaga at Cadbury sjokoladefabrikk (dette er ein av dei få sjokolademerka vi har funne som ikkje har vegetabilsk olje i sjokoladen sin) ligg i Dunedin, som er ca 3 timers kjøretur frå Queenstown var eg rask å melde oss på ein Chocolate Tour på fabrikken. Eg valde så klart den lengste turen på 75 min og håper så klart på litt smaksprøver. Eg skal prøve å oppdatere bloggen så fort vi har internett. Snakkast!

Auckland - dag 1

Då har reisa begynt, etter litt for lite søvn. Dagen i går blei brukt til å pakke ned siste rest før leiligheta blei vaska ned. På grunn av litt diverse andre ting som skulle ordnast og ei treningsøkt vi ville gjennomføre, rakk klokka å bikke 0100 før vi fekk lagt oss. Sidan innsjekk stengte 0625 i dagtidlig hadde vi alarm 0515. Vi hadde heldigvis smurt mat slik at vi kunne ete frukost på flyplassen. Vi flaug med Emirates og det kan absolutt anbefalast. For min del blei det Modern Family og eggerøre (som vi fekk som frukost nr. 2), medan Egil endte opp med Mission Impossible. Å kome seg inn til New Zealand viste seg å vere omtrent som å kome seg inn til Australia, der alle typer mat, dyreprodukt, fjellutstyr osv. må bli notert ned på "innflygningslappen" og all baggasje blir scanna. Vi kom oss greit gjennom og hoppa på flybussen inn til byen. Rundt kl tre lokal tid var vi ved hotellet, som kanskje er litt fancy for eit par backpackerar, men vi koser oss! Flott treningsrom, stort rom og basseng. Vi har stilt klokka to timar fram frå Brisbane-tid (noko som vil seie at vi ligg 10 timar forran norsk tid).

I lonley planet boka har dei lagt inn ei fin vandrerute rundt i byen som vi gjekk deler av. Den starta nokså rett ved hotellet i ein Arcade som kun hadde second-hand stuff. Her var det mykje stilig, men etter å ha oppdaga at vi har rundt 65 kg totalt i baggasje når vi skal reise heim til Noreg (og har ei kvote på 60 kg) blir det lite handling på tur. Men vindaugsshopping er absolut ikkje så verst! Turen gjekk vidare gjennom Meyer park som ikkje er så mykje å skryte av. Etter å ha fått sett City Hall og Civic Theatre gjekk turen til University of Auckland og klokketårnet. Universitetsområdet var veldig koslig og det var som å gå tur i parken.

Klokketårnet som høyrer til University of Auckland.

Universitetsomårdet er røykfritt! Flink!

Mange gongar i løpet av turen fekk vi auge på tårnet som står i byen. Dette er det høgaste tårnet på den sørlige halvkule (det vi besøkte i Melbourne (Ei herlig (men kald) helg i Melbourne!) er det høgaste "residential building" på den sørligaste halvkule). Vi har ikkje planlagt tur opp i dette tårnet...

Visste du at..

... New Zealand var det første landet i verda som fekk kvinneleg stemmerett?

Etter dette var vi nokså svolten så vi begynte og leite etter ein plass og ete og fann den mest perfekte restauranten. Vi hadde absolutt ikkje pynta oss, sidan vi hadde reist heile dagen, så vi leita etter ein plass med skikkelig mat som helst ikkje krevde kjole og dress. Vi gjekk oss på Mecca - Chancery som oppfyllte begge krava.

 

Vi starta måltidet med å dele ei linse-suppe og kvitløksbrød som var veldig godt etter at begge var litt kalde etter gåturen.

Kokken hadde fire rettar som var spesiell for dagen i tillegg til den vanlige menuen. Egil valde ei slags biffgryte med kvitlauksstappe.

Eg åt kylling med gresk yogurt.

Og kva måltid er vel komplett utan dessert? Vi kjøpte ein tiramisu på deling og kvar sin cappuccino.

Vi drakk også ein veldig god vin frå Hawkes Bay som ligg lenger sør på nordøya. Denne var av drua Cabernet Savignon og var nydelig god! Heile måltidet kan oppsummerast med eit ord: FANTASTISK!! Alt var utrlulig godt og denne restauranten er absolutt herved anbefalt! Det einaste eg kan trekke ned på er litt lite kaffe- og cognacsmak på tiramisuen, men ellers var alt veldig godt. For dei som lurer på kva prisane ligg på her syns vi denne hadde ein grei pris (billig med tanke på maten!), då vi betalte NZ$100 (ca. 500 NOK).

I morga er planen å ta ferge ut til to av øyene som ligg utanfor byen. Her håper vi å få bevegd oss litt, samt få tatt nokre fine bileter av byen. Etter båttur har vi planlagt ei lita styrkeøkt på hotellet før vi går ut for å ete middag. Det blir tidlig køying sidan flyet til Queenstown går 0700 onsdagsmorgon.

Om bloggen ikkje blir oppdatert i morgakveld håper eg å få oppdatert ein av dei fyrste dagane på sørøya.

Skulen - University of Queensland

Hei alle saman! Som lova tenkte eg at eg skulle skirve litt om skulesystemet her, som er veldig annaleis enn heime i Norge. Eg har i tidligare innlegg skrive om alle oppgåvene som skal inn i løpet av semesteret, og eg tenkte eg skulle gi dykk ei lita oversikt over det eg har vore gjennom i løpet av desse fem månadane. Eg har som sagt hatt fire emner som kvar er på 2 units (=7,5 poeng). Slik har karakteren fordelt seg i dei ulike emna:

CHEM3015 - Chemical Food Ananlysis (dette er eit bachloremne som skal fylle opp siste bolken i dei 60 studiepoenga eg må ha for å kunne undervise i kjemi):
Laboratoriearbeid (6 x 3 timar, som blei kun 5x3 timar då det viste seg at vi var meir effektiv enn planlagt) og tre rapportar. Rapportane tell inn på karakteren og er 8% på kvar, altså 24%.
Tutorial. Dette er noko mange fag har, som minner litt om PBL (problem basert læring) for dei som har hatt det. Det skal vere ein plass der ei gruppe studentar møtast saman med ein "tutor" og ulike deler av pensum blir diskutert. I denne tutorialen tok vi quizar som skulle telle inn på karakteren. I løpet av semesteret hadde vi sju quizar som tilsaman er 5% av den endelege karakteren.
Midt-semester eksamen. I dette emnet var dette ein heimeeksamen som vi hadde fire dagar på og som dekte fyrste del av pensum. Etter at eksamen er gjennomført er denne delen av pensum unnagjort og den endelige eksamen dekker kun det pensumet som blir gjennomgått etter midt-semester eksamen. 16%.
Eksamen. I dette emnet var det ein open-bok eksamen som er verdt 55% av endelig karakter.

BIOL3006 - Molecular Cell Biology (skal tilsvare BI2014 heime på NTNU, molekylærbiologi, som er eit obligatorisk emnet for min master)
Research project. Vi blei plassert i grupper som skulle bestemme kva slags forksningsmetode inanfor cellebiologi vi ville skrive om. Dette skulle framførast etter to veker med arbeid. Foreleser skulle ha oversikt over kva alle hadde gjort og satte karakter på det og framføringa. 10%.
Midt-semester eksamen. Same opplegget her som i kjemiemnet. Dei første modulane blir dekt og er dermed unnagjort. 20%.
Tutorial/PBL. Vi fekk diskutere pensumrelaterte temaer ei veke og i løpet av den neste veka skulle vi sjå litt nærmare på tema ved å lese ulike forskningsrapportar. Når vi møttast neste gong fekk vi ein liten quiz på tre spørsmål. 2x10%.
Laboratoriearbeid. 2x3 timar med arbeid på lab som blei karaktersatt med å fullføre enda ein quiz. 10%.
Eksamen. Denne dekte dei tre siste modulane. 40%.

NUTR7001 - Nutrition and Health (valfritt masteremnet).
Dette emnet tok eg som external student for å få timeplanen min til å gå opp. Eg trur dette emnet er veldig mykje bedre for dei som tek det som internal student fordi foreleseren er utrulig hyggelig og virker oppriktig interesert i studentane sine (eg har besøkt ho eit par gongar på kontoret).
Blog site evaluation. Vi blei plassert i grupper ut i frå kva tema vi var interesert i. Vi måtte finne ein blogg eller ei offisiell informasjonsside som dekte det tema vi hadde valgt (eg valde amming som tema og vi holdt oss innanfor Australia og fann ei god side med informasjon til komande eller ammande mødre). Vi skulle evaluere sida og skrive om den til medstudentane våre. Denne oppgåva var kun for external studentane. Internal studentane hadde tutorial kvar veke som verka inn på deira karakter. 20%.
Annotated bibliography and concept map. Her skulle vi finne og skrive kort om 8-10 forskningsartiklar innanfor eit valgt tema og lage eit oppsummerande og oversiktlig tankekart. 30%
Essay. Her skulle vi samanlikne ulike metodar som blir brukt for å forbedre ernæringmønsteret til eit individ/populasjon/land. Vi fekk ulike temaer og velje mellom her også og måtte kome med eksempel på korleis metodane har blitt brukt innanfor det temaet i eit spesielt område. 50%.

NUTR7008 - Nutrition in International Health (valfritt masteremnet).
Literature review. Her fekk vi ei liste med utviklingsland som vi kunne velge og skrive om. Inntekt, eksport, import, befolkning (urban/rural), utvikling siste 50 åra osv. skulle dekkast og til slutt oppsummere korleis det har påverka ernæringsmønsteret i landet. 30%.
Online discussion.  Vi hadde om ulike mikronæringsstoff-manglar og fekk tre diskusjonsforum på blackboard (a la it's learning) der vi skulle lese forskningsrapportar og diskutere mulige løysingar på problemet. 2x6% + 8% = 20%.
Article review. Tre forskningsrapportar var gitt og vi skulle velje ein vi ville evaluere. 25%.
Annotated bibliography. Vi skulle finne og skrive kort om 10 forskningsrapportar. 25%.

Som dykk kanskje skjønnar var det ein litt brå overgang fra det norske systemet der det stort sett er ein eksamen som tell 100%. Men ein flink internasjonal seksjon på NTNU hadde forberedt meg på overgangen, sjølv om eg skal innrømme at det blei litt tyngre enn forventa. Slik eg ser det jobber dei også på ein heilt anna måte her og det tok meg ei stund og omstille meg. Læreboka blir mindre brukt, og mykje forskningsrapportar skal lesast. Dette var litt tungt i starten, men det har vist seg og vere veldig lærerikt og spennande. UQ (University of Queensland) har eit stort internettbasert bibliotek og det har gjort det veldig enkelt å leite etter artiklar. Eg veit at NTNU også har eit slikt system, eg har berre ikkje lært meg og bruke det enda.

Ein anna forskjell frå heime er at foreleser veit godt kven du er når oppgåver og eksamen blir retta. Dette har eg mislikt frå dag éin! Eg trivst med å kunne spørje foreleser "dumme" spørsmål uten å vere redd for at det skal trekke ned inntrykket og dermed kanskje karakteren min. Og etter at vi hadde hatt midt-semester eksamen i BIOL3006 presterete faktisk eine foreleseren å skrive på facebook (vi har ei facebook side der vi kan dele youtube-videoar og anna stæsj, samt stille kvarandre spørsmål om vi skulle ha behov) svaret som ein student hadde gitt på ei oppgåve. Vedkomande hadde tydligvis ikkje peiling på svaret og kom med ein litt morosam kommentar. Det er greit at foreleser syns dette var litt komisk og ville dele det med oss andre, men eg syns det er heilt unødvendig å skrive namnet på studenten! Dette er noko av grunnen til at eg ikkje vil at foreleser skal vite kven eg er når han/ho rettar eksamen. Det og trynefaktor. MEN, etter at eg mistolka oppgåveteksten på kjemieksamen min på onsdag (mistolka den, løyste oppgåva og innsåg at eg hadde mistolka den) har eg kanskje bytta litt meining. Foreleser kom bort til oss etter eksamen for å spørje korleis det hadde gått og når eg fortalte kva eg hadde mistolka så sa han: "Don't worry abaout it, I'll figure something out." Det hadde aldri gått heime i Noreg!

Karakterane blir sendt ut natt til 5. juli både på melding, mail og my-SiNet (som er eit påloggingssytem skulen har).

Ein siste ting eg syns er verdt å nemne er printersystemet. For det fyrste er det uturlig dyrt å printe på skulen! Det kostar 12c (=70 øre) per svart-kvit side. Det høres kanskje ikkje så mykje ut, men når ein skal printe fleire forelesningsnotatar i veka blir det fort dyrt. Om du printar to-siding kostar det 11c/side. Og ikkje spør meg om fargeprinting! Det har eg ikkje turt å tenke på ein gong. Haha. Eg har sett studentar som har printa opptil ni sider på ei side for å betale mindre. Dette ser utrulig travelt ut når dei noterer på forelesning. Ein anna ting med printersystemet er at det du sender til printeren er ikkje kobla opp mot brukeren som er pålogga (slik som på NTNU der det du printar er kobla opp mot din bruker og dermed ditt kort). Alt som blir sendt til printeren er tilgjengelig for alle og printe, og ved ein liten glipp har du betalt for å printe nokon andre sine forelesningsnotat eller oppgåver. Ellers angåande databruk har kvar student 3 GB tilgjenglig med opp- og nedlasting i månaden og om ein skulle trenge meir må ein kjøpe det.

 

Når ein loggar på ein skuledata kan ein velje mellom Mac OS og Windows.

Fleire av biblioteka har eit system som viser dei ulike etasjene og kva maskiner som er ledig/opptatt.

 

Alle biblioteka (eller dei fleste vertfall) har ein eller fleire såkalla ekspress-PCar. Dette er maskiner som kun skal brukast til printing og ein må gjere seg ferdig på 5-10 min. Dette er genialt viss ein kun skal printe ei forelesning eller to og det kan vere litt stress å finne ei ledig maskin. Ein kan også bruke dei til å logge seg inn på bilioteket sine heimesider for å sjå kva bibiliotek som har ledige maskiner.

Eg har fortsatt ikkje bestemt meg for kva slags system eg likar best, men eg trur nok eg heller mot det australske. Eg har lært utrulig mykje av å måtte jobbe jamnt gjennom heile semesteret. Eg tenker også på dei som ikkje klarer å gjere det så godt på eksamen på grunn av stresset. Her blir ein testa på ulike måtar med å levere oppgåver, ta quizar og gjere fleire eksamenar i eit emne. På denne måten vil ikkje ein dag og ein eksamen kunne øydelegge ein heil karakter.

Alt i alt er University of Queensland ein skule eg absolutt kan anbefale. Dei har mange ansatte som tar vare på studentane og mange gode tilbud som studentane kan ta i bruk om dei vil. Eg må så klart også legge ut litt bileter som eg har tatt av skuleområdet:

Kinoen.

 Det eg likar å kalle hovudbygget utan at eg trur nokon andre gjer det.

Den smilande steinen! Den er veldig koslig og er plassert slik at eg går forbi den kvar gong eg går mellom buss og forelesning/lesesal.

 Boost juice! Nesten kvar fredag etter ei god styrkeøkt har vi kjøpt oss boost juice med skogsbær og chiafrø.

Vi valgte å melde oss inn i treningssenteret på skulen sidan det blei billigast (sidan eg ikkje hadde noko bileter frå senteret blei det eit herlig bilete av to slitne joggerar i staden). Vi har stort sett hatt to styrkeøkter i veka, og to kondisjonsøkter. Som step-entusiast har eg gått på ein step-time i veka medan Egil har funne seg ei flott joggerunde (som eg har blitt med på eit par gongar). Kvar søndag har vi kjørt intervall.

RedRoom. Dette er baren på skulen. Vi hadde store planar om å ta turen dit i dag etter at dei i kjemiklassa mi var ferdig med siste eksamen, men der var stengt! Då blei det eit par øl på pizzasjappa i staden for (som ligg rett ved).

 The Lolly shop. Her har eg faktisk aldri handla!

I starten av semesteret sat eg mykje på skulen og leste sidan eg hadde god internett-tilgang der. Etterkvart har eg endt opp med å sete mykje heime sidan eg ikkje vil ta buss i rusjtida. I rusjen er det nemlig dyrare å ta buss (altså frå 0600-0900 og 1530-1900). Då blei det ofte ikkje middag før kl 2000, noko som er litt seint. På fridagane mine har eg ofte valgt å gå opp til Herston campus (eg er til vanlig på St. Lucia). På Herston ligg medical school og det tar ca 20 min å gå. Det er her eg har hatt forelesning i det eine masteremnet, og sidan eg blir behandla som masterstudent her har eg faktisk fått noko av previlegia som masterstudentane har (blant anna $50 i printepeng). Eg har to bileter frå denne campusen også:

Hovudbygget. Dette biletet er tatt frå baksida sidan det er mykje byggearbeid på framsida. Dei er godt i gang med å lage nytt bygg til tannlegestudentane, så om du har planar om å utdanne seg til tannlege er kanskje dette plassen for deg?

Dette biblioteket har eg tilbrakt nokre timar i. Det ligg faktisk plassert midt i "the Royal Childrens Hospital".

Eg hadde siste eksamen i går og etter det har tida stort sett gått til sortering og pakking (bortsett frå ein tur til skulen for nokre øl tidligare i dag). Vi hadde også nokre ærend i byen og då tok vi like så greit lunsjen på den beste plassen i byen: Grill'd! Dette er den BESTE BURGEREN ever!! Fantastisk. Dei lagar burgeren med reint kjøtt (noko som er enkelt å kjenne på smaken) og sidan chipsen deira er steikt i rapsolje (og ikkje vegetabilsk- eller palmeolje) brukar vi og unne oss ein på deling. Og jammen blei ikkje det brus også i dag! For ei feiring.

Glede! Denne kjem eg til å savne i Noreg.

I morga er planen å få til ei siste intervalløkt før vi vaskar ned leiligheta. Mandagsmorgon går turen til New Zealand og Auckland! Snakkast!

Surfing in Australia!

Etter nokre intensive dagar med lesing til eksamen var det godt at det kom dagar med pause. I forrige veke oppdaga vi kor kort tid vi har igjen, så vi bestemte oss for å leige bil i to dagar for å vere turistar i området rundt Brisbane.

Vi leigde ein Toyota Yaris med Hertz.

Vi starta med å ta turen innom outlet kjøpesenteret som ligg i Gold Coast, sidan dei har Nike outlet store (LOVE Nike!), som vi ikkje har i Brisbane. Sidan vi tok turen innom the Tourist Lounge før vi starta shoppinga fekk vi 15% ekstra rabatt på det vi handla der.

I ei av reisebøkene våre har vi lest om eit område kalla O'Reilly's, der det er tillaga a Tree Top Walk langs toppen av trea i regnskogen. Dei har også ein vingård der dei produserar sin eigen vin. Etter litt shopping gjekk turen vidare sørover i jakta på O'Reilly's.

 On our way to O'Reilly's.

Og jammen møtte vi ikkje på ein Jucy campervan!  Langs vegen kan dykk sjå skiltinga til O'Reilly's Vineyard.

  Bli med på tur da vel! Litt humpete veg til tider, men her får dykk eit lite inntrykk av korleis turen, på ca. ein time, var opp.

Det er viktig å kjøre forsiktig.

Sjå kven vi fekk hilse på!

 Dette bilete viser Boardwalken, men på det lågaste nivået. Det gynga bra og gnirkinga gjorde turen litt skummel til tider.

 Halvveis kunne vi "klatre" opp i eit av dei høge trea, ved bruk av stigar som var plassert opp langs treet.

 Det var vanskelig å ta bilete av utsikta vi fekk frå toppen, men her er deler av den halvveis opp i stigen.

 Tittei!

Området er kjent for eit rikt fugleliv. Vi kom nok i litt feil årstid og det var ikkje altfor mykje lydar å høyre, men etter litt var det nokre som kom til syne.

 

 

 

 Eit av utsiktspunkta som vi stoppa på når vi var på veg ned frå fjellet.

 Oppfinnsom postkasse.

Etter å ha stoppa i vingården, fått smaksprøver og kjøpt litt vin gjekk turen nordover igjen. Vi valgte då å prøve oss på Mt. Coot-tha igjen, denne gonen med bil.

 Utan stativ var det litt vanskelig å få fine bileter av byen etter solnedgang, men her er eit av dei eg tok.

Dag nr. to, i dag, hadde vi eigentlig planar om å ta turen ut til Moreton Island som er ei sandøy som ligg rett utanfor kysten, men på grunn av fergetider og vanskligheter med å kome seg rundt, bestemte vi oss for å ta turen til the Sunshine Coast i staden for. Dette er eit strandområde litt nord for byen. Gold Coast ligg litt sør, og sidan vi har vore der tidlegare (Gold Coast torsdag og fotballkamp fredag) valgte vi å droppe det denne gongen.

Før turen gjekk nordover hoppa vi tidlig i bilen (rundt kl 0530!!) for å få med oss soloppgangen frå Mt. Coot-tha. Eg har maaange bileter frå dette, og sidan eg syns det var vanskeleg å velge ligg her fleire. Eg har prøvd å velge ut bileter slik at du kan få følelesen av å stå på fjellet og sjå soloppgangen (bortsett frå at lyset ikkje er skarpt og at du kanskje sit inne i varme. Det har blitt kaldt i Brisbane om nettene og sjølv med god bekledning var det kjøling å vente på sola).

 

 

 

Vidare gjekk turen til Sunshine Coast, og på vegen ringte eg til ein surfeskule som eg hadde lest om på nettet. Etter fleire månadar i Australia var det alstå ENDELEG på tide å få prøve seg på brettet. Og det var gøy!! Vi hadde det utrulig artig, med privat instruktør, som gjorde ein veldig god jobb. Coolum Surf School (i Coolum Beach) er altså absolutt å anbefale. Dyrt var det heller ikkje. Vi klarte begge å røyse oss på brettet og bli med bølgene inn til stranda. Egil klarte også å finne si eiga bølge, padle og surfe inn igjen til land. Alle tiders!

  Vi har ikkje noko bileter frå sjølve surfinga, sidan vi var ute i vatnet og surfa. Men her har vi eit veldig profesjonelt oppstilt bilete etter ein velluka surfetur (intstrukøren sa at det var slik proffane tok bilete, så då meinte vi at det var passande for oss også å gjere det.)

To godt nøgde surfarar. Vi fekk rabattkupong frå surfeinstruktøren som vi kunne bruke på Subway, så då var det enkelt når vi skulle finne ein plass å ete lunsj. Maten tok vi med ut i sola som varma godt i dag. Perfekt vêr for turisme!

Sidan vi ikkje var heilt nøgd med vingården vi besøkte i går valgte vi å kjøre ein omveg tilbake til Brisbane (Tourist drive 22). Denne går inn i landet, der det er fleire vingårdar. To av dei vi skulle innom hadde stengt for sesongen, men vi fann ein som låg veldig fint til og hadde eit vakkert område. Vinen var god og etter smaksprøvene kjøpte vi nokre flasker her også.

Vingård nr. 2. Flame Hill Vineyard. Her var det også mogleg å kjøpe lunsj/middag om ein skulle ha behov for det etter ein lang kjøretur. Vi var enda ikkje ferdig med alt vi hadde planlagt så vi kjørte raskt vidare (Egil drakk ikkje vin og vi kunne derfor trygt forsette mot Brisbane.)

 På vegen fann vi the big pinapple. For ivrige lesarar kan dykk kanskje huske turen nordover då vi var innom the big mango (Nedtur etterfulgt av opptur). No manglar vi kun the big banana, men den ligg litt for langt sør.

 Her kunne vi også ta turen inn i ananasen og lese om historia og produksjonen til ananasen som blir dyrka i området.

Siste stopp for turen var jordbærplukking.

 Pick your own. 

Her var eg i himmelen! Det var ikkje lov å ete jordbær medan ein plukka så dette bilete er kun til "pynt". Jordbæra var veeeldig god! Men det skal jammen bli godt å kome heim til Valldal-bær.

Vi har altså hatt to flotte dagar! No er det bere å hoppe i køya, for i morga må bøkene opnast på nytt (etter ei styrkeøkt på treningssenteret). No er det under ei veke til fyrste eksamen og berre litt over ei veke til vi reiser til NZ(!!). Håper alle har det bra der heime. Vi saknar dykk. Snakkast!